Б.Чойжилсүрэнгийн талынхан Увсын МАН-ыг хоёр хувааж Ч.Хүрэлбаатарын хүнийг УНАГАЛАА

Урд шөнө Увсын ИТХ-ынхан ээлжит бусаар хуралдаж аймгийн Засаг дарга Э.Насанбатыгаа огцруулсан. Огцруулах саналыг ИТХ дахь АН-ын бүлгээс оруулсан бөгөөд УИХ-ын гишүүн Б.Чойжилсүрэнгийн талынхан Б.Цэндсүрэн тэргүүтэй АН-ынхантай нийлж УИХ-ын гишүүн Ч.Хүрэлбаатарын талын Э.Насанбатыг огцрууллаа.

Өөрөөр хэлбэл, сөрөг хүчнээс Засаг даргыг огцруулах сөрөг хүчний ажлаа хийж байгаа бол Увсын МАН-ынхан АН-аас тавьж буй улс төрийн шалгалтад унаж, эв нэгдэлгүйгээ харуулан Засаг даргаа ийнхүү "унагалаа". 2024 онд Ч.Хүрэлбаатар УИХ-ын сонгуульд бүдэрч унасан бол 2028 онд Б.Чойжилсүрэн унаад зогсохгүй, энэ хоёрыг дагаж улс төрд орж ирсэн С.Анхбаяр, Э.Насанбат, П.Баттулга тэргүүтэй хүмүүс явж байж Увсын МАН нар үзэх болж байна.