Согтуу жолооч Сүхбаатарын талбайд машинаараа зорчиж, зөрчил гаргажээ

Сүхбаатар дүүргийн 6 дугаар хороо Сүхбаатарын талбайд өнөөдөр буюу 2024 оны 01 дүгээр сарын 24-ний өдөр 18:06 цагийн үед Т.Приус маркийн тээврийн хэрэгслийн жолооч Э гэгч нь алба хаагчийн хууль ёсны шаардлага биелүүлэхгүй шалгуулахаас зайлсхийх оролдлого хийж бусдад аюултай нөхцөл үүсгэн хөдөлгөөнд оролцсон байна. Тиймээс тус дүүргийн цагдаагийн газрын нэгдүгээр хэлтсээс шалгалтын ажиллагааг явуулж байна. Жолоочийн согтолтын зэргийг шалгахад 4.91 хувийн согтолттой байжээ.