Х.Нямбаатар: Дунджаар 3 сая төгрөгийн цалинтай шүүгч нарын цалинг би тийм ч өндөр гэж хэлэхгүй

Хууль зүй дотоод хэргийн сайд Х.Нямбаатар 25 дугаар суваг телевизийн "Ам нээвэл" ярилцлагын үеэр шүүгч нарын авлигын асуудлыг бууруулах талаар Шүүхийн шинэчлэлийн тухайн хуулинд хэрхэн тусгагдсаныг тайлбарлажээ.

Тэрбээр "Шүүгч нарын цалинг би тийм ч өндөр гэж хэлэхгүй. Дунджаар гурван сая төгрөгийн цалин авдаг. 2013 онд шүүгч нарын цалин, ангилалыг ахиулах ажил хийгдсэн. Үүнийг дагаад прокурорын цалин нэмэгдсэн. Мөрдөх байгууллагын алба хаагчдын цалин дорвитой нэмэгдээгүй байгаа. Бид цалин нэмээд авлигын асуудлыг цэгцэлж чаддаг бол энэ бол маш хялбар арга. Бид шүүгчдийн ажиллах орон зай, зарчим, үйл хөдлөл бүрийг хуулийн хайрцганд оруулж байж үр дүн гарна гэсэн агуулгаар шүүхийн шинэчлэлийн тухай хууль бичигдсэн" гэв.