Б.Энх-Оргил 1,5 сая ам.долларын алтан бүс, 50,000 ам.долларын эзэн боллоо
200
Улаанбаатарын цагаар өнөөдөр үргэлжилж буй OneChampionship холбооны One “Fight Night 38”-ын оргил тулаанд Баатархүүгийн Энх-Оргил Бразилын залуу аварга Фабрисио Андраджетай тулалдаж ялалт байгуулснаар аваргын бүсний эзэн боллоо.
Тэрбээр ялалт байгуулж, аваргын бүсээ зүүснийхээ дараа сэтгэгдлээ илэрхийлэхдээ “Үгээр хэлэхийн аргагүй сайхан байна. Маш их ядарч байна. Одоо амармаар байна. Олон тулаан хийхдээ ингэж хохирч байсангүй. Бүхэл бүтэн 11 жилийн дараа багшийнхаа ачийг хариулж Монгол Улсдаа ялалт авч ирлээ. Сайхан байна. Баярлалаа мөнх тэнгэртээ” хэмээлээ.
